很久之前, 在討論區看到一則婚姻問題的故事, 雖不確定真偽, 但覺得主人翁都幾戇居。
原文:
一齊十年啦,上年先結婚, 從未同老公嘈過交. 今日發現咗老公既私人物品入面有兩個Condom ,唔係我哋用開既牌子.我想知佢有無對我不忠? 但我又唔敢去問. 原本以為我哋可以好幸福!仲諗住今日講個好消息佢知……我有咗個半月BB. 如果真係對我不忠… 我一定接受唔到, 但我又唔可以當無事發生. 宜家都唔知點?我可以點做
當然有很多回應, 但事主都是那句「問清楚但又怕知道真相….」故事的結尾 - 流產了。
完全唔明, 只是發現小小的袋仔, 就引發一連串的假設, 左想右想、想前想後, 都不直接問過清楚明白。 在一個不明朗的環境下仍要生下孩子, 老是希望孩子會明白同體諒她, 若將來選擇離婚。 真可笑, 現在不面對, 將來就可面對乎? 逃避也要找個合理的藉口吧!!
無獨有偶, 貓貓有個親戚 A 小姐, 當年她懷孕時已知丈夫返大陸滾 (沒包二奶), 當時所有親戚都勸她不要孩子,
1. 怕她將來後悔;
2. 怕她情緒影響胎兒。
A 小姐堅持要生「要他對我内疚」。 孩子出生後, 丈夫是沒再滾, 但她對丈夫的心淡了, 表面仍是一家人。 (維持表面和諧, 究竟為乜?)
後記, A 小姐孩子的體型, 是全家族最細小, 不知是否就是影響胎兒的後果? 雖沒有醫學、科學根據。
Categories:
